Пониматко Александр Петрович
Нарадзіўся 2 кастрычніка 1956 года ў г. Рэчыца Гомельскай вобласці.
У 1979 годзе скончыў факультэт іспанскай мовы Мінскага дзяржаўнага педагагічнага інстытута замежных моў, кваліфікацыя — настаўнік іспанскай і англійскай моў.
У 1990 годзе скончыў аспірантуру МДПІЗМ па спецыяльнасці 13.00.02 – Тэорыя і методыка навучання і выхавання (замежныя мовы). У верасні 1991 года абараніў кандыдацкую дысертацыю.
Дэкан перакладчыцкага факультэта Мінскага дзяржаўнага лінгвістычнага ўніверсітэта, прафесар кафедры лінгвадыдактыкі і методыкі навучання замежным мовам.
Педагагічны стаж — 33 гады.
Больш за 180 публікацый, сярод якіх:
- дзяржаўныя адукацыйныя стандарты вышэйшай адукацыі па спецыяльнасці «Сучасныя замежныя мовы», дзяржаўныя адукацыйныя стандарты сярэдняй адукацыі па вучэбным прадмеце «Замежная мова», канцэпцыя выкладання вучэбнага прадмета «Замежная мова», вучэбныя праграмы і праграмы факультатыўных курсаў па замежных мовах для ўстаноў агульнай сярэдняй адукацыі;
- вучэбныя дапаможнікі па методыцы выкладання замежных моў;
- вучэбна-метадычныя комплексы для ўстаноў агульнай сярэдняй адукацыі па іспанскай, англійскай і кітайскай мовах;
- даведачна-інфармацыйныя матэрыялы, электронныя трэнажоры па замежных мовах для навучэнцаў пачатковых класаў на платформе MOODLE;
- артыкулы і тэзісы выступленняў на канферэнцыях па праблемах ранняга навучання замежным мовам; асаблівасцях выкарыстання гульнявых тэхналогій, сродкаў выяўленчай і музычнай нагляднасці ў навучанні замежным мовам; спецыфіцы распрацоўкі крытэрыяў ацэнкі ўзроўняў сфарміраванасці кампанентаў камунікатыўнай кампетэнцыі; фарміраванні функцыянальнай граматнасці ў галіне камунікацыі на замежнай мове; асаблівасцях падрыхтоўкі перакладчыкаў і інш.
Узнагароджаны Ганаровай граматай Міністэрства адукацыі Рэспублікі Беларусь, граматай Дзяржаўнага камітэта па навуцы і тэхналогіях Рэспублікі Беларусь, стыпендыят праграмы Дж. Фулбрайта.
Кандыдат педагагічных навук, дацэнт.
