Беларуская мова і літаратура. 6 клас. Прыкладнае каляндарна-тэматычнае планаванне. 2023/2024 навучальны год

Прыкладнае каляндарна-тэматычнае планаванне складзена ў адпаведнасці з дзеючымі вучэбнымі праграмамі для ўстаноў агульнай сярэдняй адукацыі, зацверджанымі Міністэрствам адукацыі Рэспублікі Беларусь. У планаванні рэалізуюцца патрабаванні адукацыйнага стандарту па прадметах, вызначаецца паслядоўнасць урокаў, у тым ліку ўрокаў развіцця маўлення і дадатковага чытання.

У аснову планавання ўрокаў беларускай мовы пакладзены кампетэнтнасны, сістэмна-функцыянальны, камунікатыўна-дзейнасны, лінгвакультуралагічны і сацыякультурны падыходы, а таксама прынцып сістэматычнага паўтарэння і паглыблення ведаў вучняў, які прадугледжвае зварот да пройдзенага ў папярэдніх класах.

Планаванне па беларускай літаратуры прапануе размеркаванне вучэбнага матэрыялу (у адпаведнасці са зместам і структурай праграмы і вучэбнага дапаможніка) па раздзелах, у кожным з якіх — свае пазнавальныя, дыдактычныя, выхаваўчыя задачы.